1 маусым — Халықаралық балаларды қорғау күні аудандық Мәдениет үйінің алдында жарқын әрі әсерлі шара өтті — аудандық кітапхананың Балалар әдебиеті бөлімінің ұйымдастыруымен «Чиполлино» ертегісінің театрландырылған қойылымы көрерменге ұсынылды.
Қойылымның ерекшелігі — Джанни Родари жазған көп ұрпақтың сүйікті шығармасы таңдалғаны ғана емес, сонымен қатар оның кейіпкерлерін кітапхана жанындағы балалар клубтарының жас қатысушылары сомдағаны болды.
Ашық аспан астында, гүлге толы жазғы көріністе өз рөлдерін асқан ынтамен орындаған балалар көрерменге тәкаппар Лимон ханзадасын, батыр Чиполлиноны, қатігез Қызанақ мырзаны, мейірімді Асқабақ ағайды, кедей Чиполлоне мен басқа да ертегі кейіпкерлерін тірілткендей болды. Олар достық, әділдік және әділетсіздікке қарсы күрес сияқты маңызды тақырыптарды шынайы жеткізе білді.
Қойылым ата-аналар, қонақтар және өтіп бара жатқан тұрғындар тарапынан үлкен қызығушылық тудырып, олар қойылымды қызыға тамашалап, әртістерді қошеметпен қолдады.
Бұл Балалар әдебиеті бөлімінің бастамасы жас көрермендер мен қатысушылар үшін шынайы мерекеге айналды. Шара балалардың кітап оқуға деген қызығушылығын оятып, шығармашылықтың қуаты біріктіретінін, шабыттандыратынын және қуаныш сыйлайтынын көрсетті.
Мереке соңында балалар мен ата-аналардың жүзінен шат күлкі көрініп, ұйымдастырушылар мен әртістерге алғыс айтылды. Жас көрермендер үшін бұл қойылым ой тастайтын тағылымды сәтке айналды.
«Бұлақ» және «Book & game» клубтарының басты мақсаты – олардың өз қатысушыларын кітап оқуға ынталандыру және тарту болып қала береді. Айта кету керек, осындай еркін және ойын түрінде ұйымдастырылған кітап оқуды насихаттау тәсілі өзінің тиімділігін дәлелдеп отыр: оқуға деген қызығушылықты арттырып, кітапты жандандырып, кейіпкерлердің рөлін өз мойнына алып көруге мүмкіндік береді. Бұл – балаларға оқи отырып, кейіпкердің өмірін сезінуге, автор ойын тереңірек түсінуге жол ашады.
Осының нәтижесінде клуб мүшелері биыл бірқатар кітаптарды оқып шықты: Б.Соқпақбаевтың «Менің атым Қожа», Дж.Родаридің «Чиполлино», Я.Ларридің «Карик пен Валяның ғажайып оқиғалары», Е.Шварцтың «Екі бауыр» ертегісі, Б.Момышұлының «Ұшқан ұя», Луи Буссенардың «Арыстандар еліндегі шытырман оқиғалар», Д.Т. Жұмагелдинованың «Қорқақбай атанған Еркегали», Д.Дефоның «Робинзон Крузо», В.Драгунскийдің «Дениска әңгімелері», А.де Сент-Экзюперидің «Кішкентай ханзада», М.Әуезовтің «Көксерек» және тағы басқа шығармалар.
