Наурыз көже– ұлттық тағам. Келер жылғы молшылықтың жоралғысы ретінде наурыз тойында әрбір шаңырақта міндетті түрде әзірленген. Халықтық дәстүр бойынша оған бидай, тары, сүр ет, бұршақ, сүт, су, тұз сияқты кем дегенде жеті түрлі азықтық заттар міндетті түрде қосылуы тиіс. Тақ санын сақтап, мұндай заттар көбейтіле беріледі. Соғымнан арнайы сақталған мүшелер (қазы, қарта, шұжық, т.б.) де қосылады. Ол негізінен бидай көже, тары көже секілді әзірленген (қысқаша Көже). Наурыз көжені халық арасында “тілеу көже”, “көп көже” деп те атай береді. Наурыз көжеге, наурызға арналып сойылған малдың кәделі асына Наурыз бата берілген соң, жиналған халық: “ақ мол болсын” деген тілек айтып тарқасады.

    Захаровка ауылдық кітапханасының қызметкері Калкайдарова М. Наурыз мерекесіне орай және «Жебе» жобасы шеңберінде науырз көже қайнатты. Өз бейнесінде кітапханашы наурыз көже жасаудың әр кезеңіне тоқсталды. Осыдан кейін әр  оқырман көже қайнатып үйренеді  деп сенеміз. Марафон эстафетасын Захаровка ауылдық кітапханасы Михайловка модельдік ауылдық кітапханасына жолдады.